Պեկինում տեղի կունենա չինական առաջին հայագիտական գիտաժողովը
Սեպտեմբերի 22-ից 24-ը Չինաստանի Ժողովրդական Հանրապետության մայրաքաղաքում տեղի կունենա հայագիտական առաջին չինական գիտաժողովը։ Այս միջոցառումը նշանակալից քայլ է Չինաստանի և Հայաստանի միջև գիտության և մշակույթի ոլորտներում կապերի ամրապնդման ուղղությամբ։ Գիտաժողովին կմասնակցեն չինացի անվանի ակադեմիկոսներ, գիտնականներ, պրոֆեսորներ, տարբեր բուհերի ներկայացուցիչներ, ինչպես նաև Չինաստանում բնակվող և Հայաստանի Հանրապետությունից հրավիրված հայ ակադեմիկոսներ: Մասնակիցները կկիսվեն իրենց գիտելիքներով և փորձով տարբեր թեմաների շուրջ, որոնք առնչվում են պատմությանը, միջազգային հարաբերություններին, հնագիտությանը, ազգագրությանը, ճարտարապետության պատմությանը, արվեստի պատմությանը և չին-հայկական հաղորդակցությանը Մետաքսի ճանապարհի միջոցով:
