Հայ երեխաների աշխատանքները ցուցադրվել են Շանհայում՝ Մանկական ստեղծագործական արվեստի 8-րդ միջազգային ցուցահանդեսում

Հուլիսի 18-ին Շանհայի արվեստի հավաքածուի թանգարանում տեղի ունեցավ Մանկական ստեղծագործական արվեստի 8-րդ միջազգային ցուցահանդեսի բացման արարողությունը: Այս միջոցառումը համախմբել էր թանգարանագետների, արվեստի պատմաբանների, արվեստասերների, դիվանագետների, ինչպես նաև մեծահասակների և երեխաների։ Թանգարանի սրահները զարդարում էին 24 տարբեր երկրների երեխաների կողմից ստեղծված գունեղ ու նորարարական արվեստի գործերը։ «Հայ-չինական գործընկերության կենտրոն» ՀԿ (ACPC) հնարավորություն էր տվել չորս հայ երիտասարդ արվեստագետների՝ Նանե Մովսիսյանին, Կարինե Բաղդասարյանին, Սոֆի Պողոսյանին և Արեգ Լիին նույնպեսմասնակցել այս կարևոր ցուցահանդեսին: